Os murcianos están a consolidarse como unha das agrupacións revelación do panorama estatal.
A banda murciana Rata pasará por Galicia coa segunda parte da súa xiraBorrachos Tour con dúas paradas que os levarán o venres 2 de outubro á sala La Fábrica de Chocolate de Vigo e o sábado 3 de outubro á sala Mardi Gras de A Coruña. Estas dúas datas serán a única oportunidade de ver ao dúo en salas galegas, uníndose así ao seu xa confirmado paso polo festival Osa do Mar de Burela.
As entradas para ver a un dos grandes fenómenos emerxentes da escena estatal están xa á venda por 16€ (gastos de xestión incluídos) en enterticket.es e en nomequieromorirnunca.com.
A agrupación formada por Dani Sabater e Felix Esteban vén de publicar o seu primeiro disco de longa duración, No Me Quiero Morir Nunca, unha celebración á vida ruinosa, contundente e distorsionada no que conxugan o seu pop enérxico envolto en rock desenfadado. Con este traballo baixo o brazo, os de Murcia afrontan un ano no que o seu proxecto está a eclosionar de tal forma que xa forman parte de algúns dos carteis dos festivais máis importantes da península, como poden ser o FIB, o Mallorca Live, o Cruilla ou o Cooltural entre moitos outros.
Con estas novas confirmacións, a banda eleva a súa xira estatal ata as 40 datas, reafirmando a súa posición como unha das bandas revelación deste 2026.
Venres, 2 de outubro – VIGO – La Fábrica de Chocolate
Apertura de portas: 21:30h
Prezo: 16€ gx incluídos / 20€ taquilla
Venda online: https://www.enterticket.es/eventos/rata-vigo-la-fabrica-de-chocolate-venres-2-outubro-878985
Sábado, 3 de outubro – A CORUÑA – Mardi Gras
Apertura de portas: 22:30h
Prezo: 16€gx incluídos / 20€ taquilla
Venda online: https://www.enterticket.es/eventos/rata-a-coruna-mardi-gras-sabado-3-outubro-788452
