O deputado de Deportes da Deputación da Coruña, Antonio Leira, visitou hoxe o Hockey Club Liceo no Pazo dos Deportes de Riazor, con motivo do inicio da súa participación na OK Liga.
Durante o encontro, Leira desexoulles sorte aos xogadores e ao equipo técnico para esta tempada e trasladoulles o apoio da institución provincial. O deputado destacou a traxectoria do Liceo como referente do hóckey e do deporte coruñés, así como o seu labor na promoción desta disciplina entre as novas xeracións.
