O presidente da Xunta de Galicia, Alfonso Rueda, destacou este venres «O Novo Rexurdimento” dunha Galicia disposta a recibir coas portas abertas a todos os que desexen vivir, visitar ou investir nela. Unha Comunidade –afirmou— que, grazas ao esforzo dos galegos que a construíron desde dentro e desde fóra, pasou de ser unha terra de despedidas a unha terra de benvidas.
No acto de entrega dos Títulos de Excelencia Galega 2023 da Asociación de Empresarios Gallego de Cataluña (AEGA-CAT) en Barcelona, Rueda incidiu na Estratexia Galicia Retorna como unha aposta de país, que está a ser un auténtico modelo a seguir polo resto de comunidades españolas para que os galegos do exterior teñan facilidades para regresar a estudar ou traballar en Galicia.