Enrique Rozas critica a falta de previsión do goberno municipal, que mantén a unha soa persoa atendendo o departamento de atención cidadá
- Na canle de comunicación habilitado polo Grupo Municipal do Partido Popular estanse a recibir numerosas queixas polo servizo de atención ao cidadán prestado no Concello de Lugo
- Das 6 persoas asignadas ao servizo de atención ao cidadán só unha está a prestar servizo na actualidade. Un servizo que recibe a unhas 50 persoas diarias para atención e información dos diferentes servizos municipais e a tramitación, entre outras, da tarxeta cidadá, precisa de medios e persoal axeitados e non as condicións nas que se atopa agora.
- En temporada estival o número de persoas que se achegan ao Concello a solicitar información ou tramitar documentación vese incrementado pola poboación flotante que acude á cidade a pasar as vacacións, a visitar a familiares, etc.
- Os medios dos que dispón este departamento, en moitos casos obsoletos, provocan que sexa preciso emitir numerosos duplicados de tarxeta cidadá polo mal funcionamento das mesmas
- Cando se achega o comezo do curso escolar, as solicitudes da devandita tarxeta vense incrementadas, xa que moitas delas son solicitadas por estudantes universitarios que inician os seus estudos na cidade