A política social é a protagonista dos orzamentos da Xunta de Galicia en lugo con 35.5m€ que se distribúen en proxectos que ofrecen servizos aos lucenses en diferentes franxas de idade:
– Renovación da residencia de maiores de As Gándaras e A Milagrosa
– Programas de protección da infancia e gratuidade de garderías
– Axudas á dependencia
Elena Candia agradeceu o apoio ao emprendedor e a creación de emprego valorando “moi positivamente” o investimento de 8.1m€ para a mellora do polígono das Gándaras.
Para a popular estes orzamentos tamén supoñen unha continuidade do grande esforzo inversor nos servizos sociosanitarios do barrio da Residencia. En materia de sanidade para o vindeiro exercicio figura unha partida para reformar o centro de saúde da Milagrosa e tamén hai fondos para a licitación do proxecto do centro de saúde do Sagrado Corazón, condicionado a que o concello poña a disposición as instalacións do antigo colexio do barrio.
A popular tamén amosou a súa satisfacción pola gran sensibilidade, por parte da administración autonómica, á hora de financiar o programa de saúde mental e atención ás adiccións.
As achegas económicas para que Lugo sexa unha cidade máis cómoda e as comunicacións sexan máis fluídas reflíctense en varias infraestruturas que supoñen un total de 14 m€ destacando:
– 5.7m€ para a estación Intemodal
– 5m € para a Rolda Leste
– 740.000 € para o aparcamento disuasorio da Avenida de Breogán
Os investimentos en educación e cultura completan as dotacións orzamentarias para lugo con partidas para rehabitacións en centros educativos e intervencións en dous bens Patrimonio da Humanidade: Muralla e Catedral.