Javier Castiñeira entende este desconto como unha burla de mal gusto por estar máis de 50 días sen poder consumir auga da rede de abastecemento e explica que pedirá a creación dunha comisión de investigación para buscar unha solución de consenso e real para compensar aos veciños de Foz.
- O voceiro popular explica que todos os veciños de Foz recibiron unha carta na que o alcalde do municipio e a concesionaria do servizo explican que no vindeiro recibo se realizará unha bonificación dun 10% da cota fixa que pagan, que é de 6€
- Castiñeira afirma que acudirán ao Valedor do Pobo se o alcalde de Foz segue negándose a compensar como se debe aos veciños e empresarios de Foz
- O voceiro popular pide a Cajoto «que deixe de insultar á intelixencia de todos os veciños de Foz» e permita que entre todos se chegue a unha solución de consenso para dar unha solución axeitada para todos os afectados