Este ano queren adicarlle a Foliada ás mulleres regueifeiras e ós homes regueifeiros da parroquia de Cerqueda. Os organizadores din que «na nosa parroquia era moi coñecido o regueifeiro Celestino de Leduzo, pero estivemos falando con varios veciños e averiguamos que había máis improvisadoras e improvisadores orales na parroquia e a todas e todos eles queremos adicarlle este ano a Foliada. Dos que tivemos coñecemento foi de Carmela do Ghoriño e á súa filla Lola do Ghoriño, Florinda da Tera, Manuel dos Cotelos de Taraio e ó seu fillo Faustino Rodríguez, aínda que seguro que habería moitos máis».
Comenzan cunha sesión vermú ás 13:00 h que estará amenizada polos grupos de música da Asociación e o grupo PANSENFRON. Quen acuda á sesión vermú ademáis de tomar un vermú poderá comer alí e continuar pola tarde porque haberá REGUEIFA a cargo de Lupe Blanco e Suso de Xornes e tamén haberá obradoiros para nenos.
A partir das 18:30 comenza aFoliadiña para a cal hai anotados polo momento 11 grupos e ó rematar a foliadiña, a continuación, a Foliada (contan coa participación de 27 grupos), máis ou menos polas 20:00 h e ata as 2.30 h da mañá.
Músicas e músicos de: Malpica, Camariñas, Ponteceso, Vimianzo, Caión, Muros, Santiago,Carballo, Lires, Fisterra, Dumbría, Agualada, Laxe, A Coruña, Cabana, Zas e outros que poidan sumarse no último momento.
Haberá unha gran carpa, na que cada ano buscamos ambientala decorándoa, e este ano a decoración estará relacionada cos sobrados das casas de antes. Tamén sortearán moitos regalos pero sobre todo, haberá moita música e baile para pasar unha noite divertida.
