O PP lamenta que PSOE e BNG perdan a oportunidade de tranquilizar ás familias da gardería Gregorio Sanz ao vetar a comparecencia que pedimos para aclarar o conflicto laboral deste servizo municipal.
É insultante que se neguen a dar explicacións, o lóxico sería que non tiveramos nin que pedir esta comparecencia. Se tivesen a conciencia tranquila de ter feito todo o que estivo na súa man xa terían saido publicamente a explicar o que ocorreu neste servizo municipal
Os populares lembran que este caso afecta tanto ao PSOE como ao BNG. Aos nacionalistas porque as escolas infantís son responsabilidade da súa área de goberno, pero como sempre están ausentes e se poñen de perfil nos asuntos importantes para os lucenses. No caso dos socialistas a xestión do persoal é competencia súa, coñecían a problemática pero non fixeron nada.
