Onte xoves Begoña Balado (concelleira de Turismo de Arzúa), Darío Rey (director do proxecto Patrimonea) e Guido Guía presentaron na Praza de Galicia unha nova actividade que terá lugar o sábado 5 de abril por terras arzuás.
Consistirá esta nun paseo guiado de tres horas pola vila e a súa contorna, iniciándose a actividade ás 11h00 da mañá e rematando ás 14h00. En todo caso nas actividades habituais de Guido Guía as xornadas sempre se estenden de xeito informal durante todo o día así que se prevé que o grupo desfrutará da xornada completa descubrindo o patrimonio e encantos da comarca.
As persoas que desexen inscribirse poden facelo gratuítamente a través do correo electrónico guidoguiaturismo@gmail.com
