Na pregunta que lle formularon deputados populares no Congreso ao Ministerio do Interior , na resposta indican que nin hai financiamento, nin prazos, nin garantías de que se execute esta infraestrutura
A voceira do Grupo Municipal compareceu xunto coa deputada Cristina Abades e o senador Xosé Manuel Barreiro diante do solar do vello Hospital Xeral porque “foi neste emprazamento onde, en 2020, o goberno local nos acusou falsamente de renunciar á comisaría da Policía Nacional ao anunciar a construción, neste solar, dunha residencia de maiores”. Esta proposta fíxose dada a falta de avances e concrecións por parte do goberno de Pedro Sánchez para facer esta infraestrutura.
Nos días seguintes a tomar esta decisión o goberno local iniciou a súa estratexia de mentiras e de repetir falsidades, que sempre queda algo, para agochar a súa falta de xestión
A alcaldesa Lara Méndez chegou a dicir en abril de 2020 que había que “revisar en detalle” o proxecto da residencia para ver se quedaba espazo para a comisaría. Meses despois, en outubro, a Delegada do Goberno, Isabel Rodríguez, aseguraba que a Xunta “vendía fume” e deixaba a Lugo sen proxecto nin cartos para a Comisaría.
O que fixo o goberno local de Lugo foi tentar confundir á cidadanía para agochar a súa falta de xestión e culpar o PP da súa propia inacción.
“Pero co paso do tempo podemos dicir que a nosa decisión foi acertada: hoxe temos a confirmación oficial de que fixemos o correcto: unha resposta do Goberno central a unha pregunta dos deputados do PP no Congreso, con data de 4 de marzo, revela que a comisaría de Lugo nunca estivo no Plan de Infraestruturas de Seguridade do Estado (PLISE) 2019-2025. A única mención que se fai é que podería incluírse nunha futura fase II, sen prazos, sen orzamento e sen garantías.
“Se houberamos feito caso ás presións do PSOE en 2020, lugo seguiría sen comisaría e, ademais, sen residencia”. “A realidade é que temos unha residencia funcionando no barrio con 120 prazas públicas, mentres que a comisaría da policía nacional segue sen proxecto, nin financiamento por parte do Ministerio do Interior”.
Outra cuestión na que o goberno local mentiu é sobre a suma de metros das parcelas que ofrece que é insuficiente para cumprir cos requisitos que lle piden o Ministerio do Interior
Reunión co alcalde
Na reunión celebrada o pasado 27 de marzo entre a voceira popular e o Alcalde, Elena Candia insistiu na necesidade de que se incorporen as parcelas colindantes ás da rúa Orquídea e rúa Aquilino Iglesias Alvariño (obxecto do acordo aprobado na xunta de goberno do 30 de outubro), de forma que o volumen edificatorio necesario para a nova sede da comisaría da Policía Nacional se acaden en planta e non en altura.
Nas diferentes reunións mantidas cos representantes dos traballadores e membros da Policía Nacional manifestaron ao grupo municipal do PP que teñen identificados aos propietarios das parcelas colindantes polo que o Concello de Lugo está en disposición de establecer os contactos necesarios para a adquisición das mesmas e así incorporalas aos terreos obxecto da transmisión.
Os populares tamén lamentaron que dende o anuncio no que o goberno local, prometeu a entrega inmediata das parcelas da zona de Abella, segue sen confirmarse a cesión definitiva
*** Segundo a acta da xunta de goberno local del 29 de outubro de 2024, na que se aproba esta transmisión establécese como condición de cesión que o prazo máximo para o inico das obras sexa de CINCO ANOS.
