O voceiro do Grupo Municipal Socialista, Gumersindo Guinarte, solicitoulle ao goberno de Sanmartín que se centre en traballar para que Santiago sexa declarada zona residencial tensionada. Guinarte denuncia a pasividade do goberno local, que segundo el se limita a enviar cartas en vez de colaborar coa Xunta para solucionar os problemas.
Para Guinarte, os «egos» políticos non poden estar por riba dos intereses da cidadanía, que necesita unha vivenda digna e asequible. Puxo como exemplo a cidade da Coruña, que xa completou o proceso, e subliñou que esta medida, reclamada polo PSdeG dende hai un ano e medio, é fundamental para topar os prezos e facer que a vivenda sexa un dereito real na cidade.
