Despois do éxito do arranque do ciclo especial polo X aniversario do proxecto Guido Guía os pasados 9 e 23 de agosto, con 52 e 51 participantes de toda Galicia e outras procedencias, o vindeiro sábado 6 de setembro terá lugar o terceiro capítulo da famosa serie de paseos guiados do recoñecido turismólogo lucense Guido Álvarez Parga.
Nesta ocasión o itinerario centrarase nos bosques de Lugo baixo o título “O bosque sagrado de Augusto” en homenaxe ao significado do nome romano da cidade, Lucus Augusti.
A actividade comezará ás 11 da mañá no Parque Rosalía de Castro, o prezo será de 8 € por persoa (desconto do 50% para menores de 18 anos, e gratuidade para menores de 2) e as inscricións poden facerse a través do correo electrónico guidoguiaturismo@gmail.com
