A UNED de Lugo, en colaboración co Banco de Alimentos de Lugo, pon en marcha a primeira edición da campaña Nadal Solidario, unha iniciativa destinada a apoiar ás familias que atravesan dificultades nestas datas tan significativas.
A recollida de produtos desenvolverase do 1 ao 19 de decembro, cunha especial chamada á doazón de arroz e pasta, alimentos básicos e de longa duración que permiten dar resposta ás necesidades máis urxentes.
As persoas interesadas en participar poderán depositar as súas achegas na sede da UNED Lugo e tamén nas Aulas Universitarias de Foz, Monforte e Viveiro, durante o seu horario habitual de apertura.
Desde a UNED Lugo subliñan que “a solidariedade da comunidade universitaria e da cidadanía é esencial para mellorar o Nadal de moitas persoas”, e animan a participar activamente nesta acción que busca ofrecer apoio e esperanza a quen máis o precisa.
