Un grupo de alumnos e docentes da Escola de Enxeñaría Aeronáutica e do Espazo (EEAE) do Campus de Ourense (Universidade de Vigo) desprazáronse esta semana ata o aeroporto de Peinador para coñecer de preto as instalacións da base do Pesca 1.
Durante a xornada, os futuros enxeñeiros tiveron a oportunidade de ver de primeira man a tecnoloxía e os protocolos de mantemento que permiten ao Servizo de Gardacostas de Galicia realizar as súas misións de rescate. Foi unha experiencia de intercambio de coñecementos onde a teoría académica se atopou coa realidade operativa dun dos servizos de emerxencias máis prestixiosos da nosa costa.
Os membros de Gardacostas de Galicia recibiron con sumo pracer a quen deseñará os aparellos do mañá
