A Fundación Vicente Risco fixo público hoxe o fallo do xurado da undécima edición do Premio de novela curta Antón Risco. Tras as oportunas deliberacións, acordouse por maioría conceder o galardón deste ano á novela titulada «Azul», cuxo autor é José Ramón González Buhigas.
O xurado quixo salientar de xeito especial a calidade lírica e a intensidade emocional da novela, así como a enorme autenticidade da voz narrativa para tratar un tema tan íntimo, universal e doloroso como é a perda dun ser querido.
Como establece o regulamento do certame, o premio está dotado con 3.000 euros en metálico e inclúe, ademais, a publicación da obra baixo o prestixioso selo editorial Doutor Alveiros.
El xurado desta undécima edición estivo conformado por Celia Fernández Clemente, María Elvira Moroño Suárez, Héitor Mera Herbello (por delegación), Alejandro Castro Botello e Javier Rúa Soto. Os cinco vocais estiveron asistidos por Ana Gloria Rodríguez Alonso, quen actuou en calidade de secretaria sen voz e sen voto.
