A alcaldesa de Lugo, Elena Candia, acompañada pola secretaria xeral do Concello, Ana María Rivas García, formalizou este mediodía a toma de posesión de Javier Arias Fouz como novo director xeral de Urbanismo do Concello de Lugo.
Elena Candia tamén informou que xa deu instrucións ao Servizo de Persoal para avanzar na cobertura doutros postos como a xefatura de Recursos Humanos, a xefatura do Servizo de Urbanismo, unha praza de arquitecto e a previsión da substitución dun posto administrativo ante unha próxima xubilación neste departamento.
A rexedora explicou que Urbanismo é un dos servizos estratéxicos do Concello e que precisa dunha estrutura dimensionada acorde co volume de traballo que xestiona diariamente coa idea de “axilizar a tramitación das licenzas e ofrecer unha resposta máis rápida e eficaz á cidadanía”.
A alcaldesa destacou que a incorporación de novos perfís técnicos permitirá reforzar a capacidade de xestión do departamento e contribuír ao desbloqueo de expedientes, facilitando o desenvolvemento de proxectos e investimentos na cidade.
