O Concello de Lugo deu o paso definitivo para a ampliación e reforma da Protectora de Animais tras asinar o informe técnico que permitirá aprobar o convenio de colaboración a catro bandas.
O proxecto conta cun investimento total de 744.436 euros, financiado a partes iguais polo Concello, a Xunta de Galicia e a Deputación Provincial. As obras, que tamén contan coa implicación da Sociedade Protectora de Animais, teñen como obxectivo adaptar o centro á normativa vixente, mellorar os espazos de atención veterinaria e garantir o benestar dos animais acollidos.
A previsión é que as actuacións estean totalmente executadas e xustificadas antes do 31 de decembro de 2026. Coa aprobación do convenio nos vindeiros días na Xunta de Goberno Local, iniciaranse os trámites económicos para arrancar as obras de inmediato.
