O Deputado de Participación Cidadá, Iván Castro, participou no Campo da Feira de Samos na apertura da XXVI Feira de Produtos Artesanais, unha cita xa consolidada no calendario cultural da provincia que conta co apoio económico e institucional da Deputación de Lugo.
O evento, organizado pola Asociación de Comerciantes e Artesáns de Samos, volveu converter o concello nun punto de encontro onde a tradición, a gastronomía e a música se deron cita ao longo de toda a xornada.
Unha programación para todos os públicos
Unha programación para todos os públicosA XXVI edición da feira reuniu unha ampla variedade de postos de venda directa de produtos gastronómicos locais e pezas de artesanía tradicional e contemporánea. Ademais, a veciñanza e as persoas visitantes puideron gozar de:
- Demostracións en directo de oficios tradicionais e obradoiros prácticos.
- Actuacións musicais que amenizaron a Xornada no Campo da Feira.
- Actividades infantís deseñadas especialmente para o público máis pequeno.
O acto inaugural contou tamén co pregón do recoñecido escritor e xornalista Valentín Carrera González, quen deu o pistoletazo de saída a unha feira que volveu amosar a vitalidade do tecido artesanal e comercial da comarca.
