O presidente do Partido Popular de Galicia, Alfonso Rueda, destacou hoxe a importancia do Camiño do Litoral, unha iniciativa impulsada polo Goberno galego para ofrecer a veciñanza e visitantes unha alternativa diferente para explorar Galicia, a súa liña de costa e o seu patrimonio natural.
Así o manifestou o líder dos populares galegos durante un percorrido por este itinerario ao seu paso polo concello de Cabanas. Na visita estivo acompañado polo presidente do Partido Popular, Alberto Núñez Feijóo; a secretaria xeral do PPdeG, Paula Prado; o presidente provincial do PP da Coruña, Diego Calvo; a responsable de Medio Ambiente e Cambio Climático, Ángeles Vázquez, e o alcalde da localidade, Fernando Couce.
Segundo salientou Rueda, esta ruta é unha aposta clave para promover un turismo sostible e desestacionalizado, deseñado para desfrutar da xeografía galega en calquera época do ano, tanto en pleno mes de agosto como a mediados de xaneiro.
Unha rede sostible de máis de 1.370 quilómetros
Unha rede sostible de máis de 1.370 quilómetrosO Camiño do Litoral vertebra a comunidade de norte a sur ao longo de 52 etapas e máis de 1.370 quilómetros, discorrendo por 78 concellos. O proxecto conta cunha sinalización respectuosa e de baixo impacto ambiental, perfectamente integrada na paisaxe.
Para facilitar a experiencia, o Executivo galego desenvolveu unha aplicación móbil específica que inclúe:
- A información detallada de cada etapa.
- Os elementos incluídos no Catálogo de bens de valor cultural no litoral.
- Datos divulgativos sobre o patrimonio natural de cada contorna.
