O Concello dará un paso definitivo para a transformación e acondicionamento do Leirapárking. A actuación, que conta cun orzamento de 340.954 euros (IVE incluído), levarase á próxima Xunta de Goberno Local para iniciar formalmente o seu proceso de licitación pública.
Esta intervención integral chega tras as obras de urxencia executadas pola Área de Mobilidade durante os meses de verán. Aqueles traballos, de carácter provisional, permitiron restablecer as condicións básicas de seguridade na parcela. Co novo proxecto xa redactado, o Goberno municipal aplicará unha solución técnica adaptada ao uso intensivo de cada zona para resolver o deterioración xeral que presenta a capa de zahorra actual.
Dous tipos de pavimentación segundo o uso
O proxecto técnico contempla un tratamento diferenciado no espazo para garantir a durabilidade das instalacións e a comodidade dos condutores:
- Viais de circulación: Pavimentación con mestura bituminosa en quente para soportar o tránsito continuo de vehículos e evitar a formación de baches.
- Prazas de aparcamento: Acabado en zahorra artificial mellorada, optimizando a drenaxe e a integración do espazo.
DATOS TÉCNICOS DA REHABILITACIÓN
- Orzamento de licitación: 340.954 € (IVE incluído).
- Tramitación: Aprobación e apertura de licitación na vindeira Xunta de Goberno Local.
- Solución construtiva: Asfalto en quente en zonas de paso e zahorra artificial nas prazas.
