Esta semana celebrouse a “Welcome meeting” na Facultade de Informática, acto que contou coa presenza do adxunto de Mobilidade e Convenios da Universidade da Coruña, Bruno Casal
Un total de 440 estudantes de 45 nacionalidades distintas realizarán o primeiro cuadrimestre ou o curso completo 2024-2025 na Universidade da Coruña. Boa parte deles (225) participaron esta semana no acto de benvida ao alumnado estranxeiro que se organizou na Universidade da Coruña esta semana.
Este acto estivo dirixido a darlles a coñecer a institución universitaria, así como os principais servizos universitarios dos que precisarán facer uso ao longo da súa estadía na Universidade.
O alumnado participante foi informado do calendario académico do presente curso 24-25 e recibiu explicacións sobre a tramitación administrativa relacionada co seus contratos de estudos de mobilidade. Ademais, recibiron un agasallo de benvida e charlas informativas dos equipos locais de rugby CRAT Coruña e Athletic Coruña Hockey Club, por se estivesen interesados en incorporarse a algúns destes clubs deportivos da cidade.
O “Welcome Meeting” tivo lugar no salón de actos da Facultade de Informática e contou coa presenza do adxunto de Mobilidade e Convenios da UDC, Bruno Casal Rodríguez.