A UNED de Lugo amplía a súa oferta formativa dentro do programa UNED Sénior, duplicando o número de materias dispoñibles. O segundo cuadrimestre do curso 2024-2025 inclúe agora catro materias, fronte ás dúas ofertadas anteriormente.
O prazo de matrícula abrirase o martes 11 de febreiro e estará dispoñible ata o 11 de marzo de 2025. As clases comezarán na semana do 24 de febreiro e prolongaranse ata xuño de 2025.
A oferta formativa para este segundo cuadrimestre en Lugo inclúe:
Inglés Básico (luns, de 11:00 a 13:00 h) – Prof. Christina Pereira
Pinto
Inglés Intermedio (martes, de 11:00 a 13:00 h) – Prof. Christina
Pereira Pinto
Comezando a Coñecer a Historia da Arte (xoves, de 11:00 a 13:00 h)
– Prof. Raquel Iglesias Rodríguez
Informática Básica e Novas Tecnoloxías (mércores, de 11:00 a
13:00 h) – Prof. José Luis Somoza Amado
A matrícula poderá formalizarse presencialmente na UNED de Lugo (Tolda de Castela 4B) ou en liña a través da web: https://extension.uned.es/actividad/39787. O prezo por materia será de 50 euros e as prazas son limitadas.
Este programa está dirixido a persoas maiores de 55 anos, con independencia da súa formación académica, que desexen ampliar os seus coñecementos nun ambiente de aprendizaxe enriquecedor.
Para máis información, as persoas interesadas poden contactar a través dos teléfonos 982 28 02 02 ou 608 577 391.
