O sindicato CGT presentou onte día 13 de Febreiro do 2025 un escrito onde lle demanda ao alcalde de Chantada que proceda a efectuar as xestións pertinentes para determinar si se están a cometer irregularidades na contratación das traballadoras sociais por parte da empresa Os Ventos Innovación S.L.
O sindicato expresa no seu comunicado, que as traballadoras sociais deben estar en posesión da titulación de diplomadas en traballo social, ademais de estar colexiadas para o desempeño das súas funcións, como así o establece a lei. A CGT ten coñecemento de que as devanditas traballadoras non están dadas de alta no Colexio de Traballadores Sociais de Galicia.
Este suposto constituiría un caso de intrusismo profesional e que vulneraría o prego de condicións técnicas polo que a empresa “Os Ventos Innovación S.L.” presta os seus servizos, así como a lexislación penal.
