O delegado territorial da Xunta en Lugo, Javier Arias, recibiu esta mañá a membros da asociación deportiva ‘3 Cumios’, creada recentemente co fin de fomentar a práctica do alpinismo. Os promotores do colectivo son tres mozos do sur da provincia -José Manuel Prieto, Tomás Porto e Manuel Vieitez- que teñen unha destacada traxectoria na práctica deste deporte, con ascensións nos Picos de Europa, os Alpes, os Pirineos ou a Patagonia.
Na xuntanza, os representantes do colectivo presentáronlle ao delegado territorial o ‘Proxecto 3 Cumios’ no que están a traballar e que pretenden iniciar o vindeiro mes de xullo cunha expedición ao Huascarán, a cume máis alta do Perú e a montaña tropical máis elevada do planeta, con 6.768 metros de altitude. O seu obxectivo é ascender aos cumios máis representativos de tres continentes nos próximos tres años.
Con esta iniciativa, a asociación pretende impulsar o desenvolvemento do deporte de montaña e contribuír ao mesmo tempo á promoción da Ribeira Sacra e do conxunto de Galicia no ámbito internacional, con accións complementarias ás propiamente deportivas como a realización de charlas divulgativas ou a doazón de material deportivo nos lugares onde realicen as expedicións.
O delegado territorial puxo en valor os logros deportivos dos tres promotores de ‘Tres Cumios’ e ofreceuse a valorar o apoio institucional ao seu novo proxecto, “unha interesante iniciativa que conxugadeporte e cultura e que promove ademais valores como a perseveranza, a importancia do traballo en equipo e o respecto ao noso entorno natural”.
