O delegado territorial da Xunta en Lugo, Javier Arias, reuniuse hoxe co alcalde de Castro de Rei, Francisco Balado, para abordar distintas iniciativas de interese para o concello.
Entre as máis recentes figura a concesión de 23.800 euros para acometer melloras no parque empresarial de Castro de Ribeiras de Lea, a través da orde de axudas da Consellería de Economía e Industria para modernizar as infraestruturas dos polígonos galegos. Os investimentos servirán para renovar a sinalización horizontal do parque e para mellorar a xestión de residuos neste espazo.
Arias trasladoulle ao rexedor a vontade do Goberno galego de seguir traballando conxuntamente no desenvolvemento de proxectos co fin de garantir o benestar dos veciños e veciñas do municipio.
