Antonio Ameijide explica que PSOE e BNG veñen de adxudicar un contrato menor para a ‘Contratación de servizos técnicos especializados en concesión de servizos de centro de atención a persoas maiores’, unha adxudicación que ten unha duración de 12 meses polo que “todo apunta a que Tomé quere dar outra patada adiante para non abrir a residencia e a emprega unicamente con fins electoralistas, nunca pensando no benestar dos veciños de Becerreá e da comarca”
- Antonio Ameijide explica que “esta manobra” de José Tomé o que vai a provocar é “dilatar, polo menos, outro ano máis” a apertura desta centro de atención a maiores comarcal, que conta con case 100 prazas de residencia e 40 de centro de día, demostrando así que se nega “a escoitar” á provincia “mantendo a súa loita sen sentido contra toda a comarca de Becerreá” ao ter este edificio pechado durante máis de catro anos polo que “de poñer data de apertura”
- O voceiro popular afirma que os pregos de licitación de todas as CAM se tramitan dende a Deputación, pero “en Becerreá quere enredar” ao contratar a unha empresa externa para que elabore os pregos de licitación desta residencia de maiores, cando hai unhas semanas que a Deputación preparou directamente os pregos e a contratación de 9 residencias pero en Becerreá PSOE e BNG non queren facer o mesmo so queren atrasar
- Antonio Ameijide recorda que “sendo fieis ao que defendemos dende o primeiro minuto do mandato, acadar a igualdade de trato para todos os lucenses, presentamos alegacións para que non haxa lucenses de primeira e de segunda” en relación á que o PSOE e BNG pretenden que un usuario dependente da residencia de Becerreá pague 810€ máis ao mes (2.200€), un 60% máis, que os usuarios das residencias de Navia ou Pedrafita (1.390€) e os do resto da rede provincial
Sábado, 22 de novembro de 2025. “José Tomé segue a manter aberta a súa loita sen sentido contra todos os veciños de Becerreá e da comarca”. Así de contundente se amosa o voceiro provincial popular, Antonio Ameijide, tras coñecer que a Deputación vén de tramitar un contrato menor para a ‘Contratación de servizos técnicos especializados en concesión de servizos de centro de atención a persoas maiores’, cunha duración de 12 meses.
Este contrato o que supón é que externalizan a redacción dos pregos de licitación da residencia de Becerreá mentres que os do resto de residencias de maiores da rede provincial se elaboran dende a propia Deputación.
Antonio Ameijide explica que “esta manobra” de José Tomé o que vai a provocar é “dilatar, polo menos, outro ano máis” a apertura desta centro de atención a maiores comarcal, que conta con case 100 prazas de residencia e 40 de centro de día.
O obxecto deste contrato “pode ser, con toda probabilidade” a elaboración dos pregos de licitación do contrato para poñer en funcionamento este centro residencial: “todo apunta a que PSOE e BNG seguen adiante na súa liña de privatizar as residencias de maiores”.
RESIDENCIA UN 60% MÁIS CARA
Antonio Ameijide recorda que José Tomé, PSOE e BNG seguen a demostrar “a nula capacidade de escoita” cos veciños da provincia xa que “tras rexeitar todas as alegacións” presentadas á memoria que recolle o modelo de xestión e os prezos que se pagarán na residencia de Becerreá “agora xa encargaron a elaboración dos pregos para licitar o contrato que privatizará a xestión deste centro de atención a maiores provincial”.
O voceiro popular recorda que na memoria aprobada (en febreiro deste ano) por PSOE e BNG deixaron claro que “para eles hai veciños de primeira e veciños de segunda”, xa que a súa intención é aumentar as desigualdades entre os veciños da provincia, xa que segundo esa memoria que aprobaron en solitario socialistas e nacionalistas “os futuros usuarios deste centro de atención a maiores pagarán un 60% que os usuarios do resto de residencia da rede provincial”.
Segundo ese documento os futuros usuarios da residencia de Becerreá pagarán 810€ máis ao mes, un 60% máis, que os usuarios das residencias de Navia ou Pedrafita (as máis próximas da rede provincial), xa que un veciño dependente na rede de CAMs da Deputación actualmente paga 1.390€/mes mentres que en Becerreá pagará 2.200€/mes polo mesmo servizo.
Antonio Ameijide recorda que “dende o primeiro minuto deste mandato dixemos que o noso compromiso é traballar por acadar a igualdade para todos os veciños da provincia, independentemente do municipio no que residan, polo que por coherencia e, sobre todo, por ser fieis ao noso compromiso, nós presentamos estas alegacións a esta memoria, como tamén fixeron centos de veciños, porque non podemos permitir que José Tomé, o PSOE e o BNG fomenten que haxa veciños de primeira e segunda”.
Foto de arquivo
