O deputado do PP lucense e portavoz de Industria do Grupo Parlamentario Popular, Francisco Conde, asegurou que, “en 7 anos, o Goberno de Sánchez foi incapaz de artellar medidas que permitan garantir a competitividade da industria española”.
Durante a Comparecencia do Secretario de Estado de Industria, o deputado lucense tivo moi presente a situación de Alcoa, a única planta de aluminio primario de España asentada na Mariña paralizada durante 4 anos e “que volve á actividade polo prezo do aluminio no mercado” e a loita constante dos traballadores, “non porque o Goberno adoptara ningunha medida para favorecer un prezo eléctrico competitivo”.
Durante a súa intervención, Conde fixo referencia aos incumprimentos do Goberno de Sánchez coa industria electrointensiva en materia de compensacións por CO2, bonificación das peaxes, a modificación do Estatuto electrointensivo e os custes do servizo de axuste derivados do apagamento.
“O Ministerio adxudicou 600M€ da compensación do CO2. A la industria se le podía compensar 917M€. Deixaron de adxudicar 317M€ que terá que asumir a propia industria electrointensiva”, especificou.
“Poderían traer a bonificación das peaxes a través dun Real Decreto Ley desde o 1 de xaneiro e non o fixeron. É a súa responsabilidade única e exclusivamente que a industria electrointensiva non teña a bonificación das peaxes”, engadiu.
Igualmente, asegurou que “tampouco dispoñen da modificación do Estatuto electrointensivo ao que se compremeteran en marzo do 2022” e “a industria electrointensiva ten que asumir o incremento do 30% dos custes do servizo de axuste derivado do apagamento”.
PLANIFICACIÓN ELÉCTRICA
En relación á planificación eléctrica, dirixiuse ao Secretario de Estado para saber se o Goberno de Sánchez valida que as industrias sigan sen acceder a conectarse á rede. De feito, no 2024 -e a tendencia continúa no 2025- “o 80% das solicitudes de acceso e conexión foron denegados” polo propio Goberno de Sánchez.
SOLUCIÓNS CONCRETAS PARA O TECIDO PRODUTIVO
Conde condenou que “seguimos sen medidas fiscais, financeiras, enerxéticas, de simplificación administrativa e innovación” e reivindicou un Goberno que sexa capaz de adoptar medidas para “reducir os custes das empresas e dos autónomos”.
Ante a “incapacidade” para “xestionar a realidade e de dar solucións concretas ás empresas” por parte do Goberno de Sánchez paralizado polos casos de corrupción; o popular defendeu que “este país necesita un novo Goberno cunha visión industrial totalmente distinta: afastada do intervencionismo e que dea respostas concretas á industria”.
