O movemento eclesial Revolta das Mulleres na Igrexa vaise mobilizar o próximo domingo 1 de marzo en 33 cidades do estado español co gallo das celebracións do Día das Mulleres.
Por sexto ano consecutivo convócanse concentracións o 1M en: Alacante, Barcelona, Bilbo, Burgos, Córdoba, Donosti, Granada, Huelva, Huesca, Iruña, As Palmas de Gran Canaria, León, Logroño, Lugo, Madrid, Murcia, Oviedo, Salamanca, Santander, Santiago de Compostela, Tenerife, Valencia, Valladolid, Vigo e Zaragoza.
Vitoria-Gasteiz sairá á rúa o venres 6M,
Almería, Badajoz, Málaga e Sevilla o sábado 7M, Xaén e Ciutadella o domingo 8M.
En Galicia haberá tres concentracións simultáneas o 1M ás 12:00 horas:
- na praza da Quintana en Santiago de Compostela convocada pola Asoc. Mulleres Cristiás Galegas Exeria,
- diante da catedral de Lugo convocadas pola Revolta de Mulleres na Igrexa de Lugo e
- ás portas da Igrexa do Cristo da Vitoria de Vigo, convocadas polo grupo de Revolta da Parroquia.
Co lema ‘Este é o meu corpo’, a Revolta de Mulleres na Igrexa imos presentar unha performance na que cuestionaremos os dous arquetipos de muller nos que a Igrexa nos categorizou durante séculos: o da Virxe María, modelo de pureza, submisión e compracencia, e o de Eva, a pecadora, sedutora, inconformista e desobediente. Co lema pretendemos sumar un novo significado á frase que se repite en todas as Eucaristías, para denunciar o control da Igrexa sobre os nosos corpos e reclamar dignidade. As mulleres sentimos que a Iglesia afogou as nosas identidades e corpos pechándoos en dous modelos contrapostos que nos enfrontaron a unhas coas outras.
Denunciamos así a inmobilidade coa que o patriarcado clerical nos tratou na historia, que non ten nada que ver con como Xesús se achegou a nós maila viviremos nas periferias, maila estarmos destinadas a existir nas marxes. Ergueunos do chan, tratounos en igualdade, púxonos no medio das comunidades, dándonos as mesmas responsabilidades que daba aos homes. Por iso saímos á rúa, para reclamar que, con todo sermos as mans e o corazón da Iglesia, négasenos a palabra, a voz e o voto, a toma de decisións e o liderado.
Ata que a Igualdade, a xustiza e o coidado da casa común se fagan costume!
Asoc. Mulleres Cristiás Galegas Exeria Revolta de Mulleres na Igrexa de Lugo
Grupo de Revolta da Parroquia do Cristo da Vitoria de Vigo.
