“Non renunciamos a nada porque nunca existiu ese proxecto, máis que nos soños do BNG”. Así de contundente se pronuncia Ameijide dende o Goberno municipal ante as últimas declaracións do BNG sobre un suposto aparcadoiro na confluencia da rúa Primavera co Carril das Hortas e o Carril das Flores.
O Concello aclara que non existe ningún expediente municipal nin ningunha actuación en tramitación coas características ás que fai referencia o BNG. Polo tanto, non se pode falar de perda, renuncia ou abandono dun proxecto que nunca existiu.
“O BNG pretende facer pasar unha idea súa por un proxecto real para poder acusar despois ao Goberno de renunciar a el. É unha manipulación evidente da realidade”, sinala o Goberno municipal.
O Concello si ten un proxecto real para Fontiñas
O goberno local quere manifestar está a traballar cunha planificación concreta para mellorar o estacionamento na cidade e que porá en marcha unha rede de oito aparcadoiros disuasorios que permitirá crear 293 novas prazas. Entre as localizacións previstas está precisamente unha parcela municipal da rúa Primavera.
No caso desta zona, o deseño da actuación está pechado e o Concello está a traballar nos últimos aspectos do proxecto técnico para poder sacar a licitacion da construcción deste estacionalmento nas vindeiras semanas.
“Hai unha diferenza moi clara entre facer unha proposta política e ter un proxecto real. O BNG pode presentar todas as ideas e ocurrencias que considere oportunas, pero non pode converter esas ideas en proxectos que nunca existiron e despois acusar ao Goberno de renunciar a eles”, sinala o Executivo local.
