A área de Servizos Sociais do Concello de Xinzo de Limia, a través do Centro de Información á Muller (CIM), desenvolve un verán máis o programa Concilia de Verán, un recurso de conciliación dirixido ás familias do municipio.
Ao longo dunha semana tipo, os nenos e nenas participantes combinan actividades como ioga, piscina, visitas ao centro de día e talleres psicoeducativos de Bo Trato, ademais de xogos, manualidades, cociña e obradoiros de inglés.
O programa busca facilitar a conciliación da vida laboral e familiar durante os meses de verán, ao tempo que ofrece aos máis pequenos un espazo de aprendizaxe, convivencia e lecer.
